YOU ARE YOUR HABIT

1 Peter 1:15-16

But just as he who called you is holy, so be holy in all you do; for it is written: “Be holy, because I am holy.”

Gusto nating maging banal; hindi tayo nagiging banal agad. Nag-uumpisa tayo sa paggawa ng isang bagay na tama. At sa paulit-ulit na paggawa natin ng righteous acts, we start to change internally, and then we become righteous.

Maganda na maging habit natin ang holiness. Yung di na pinipilit, di na iniimbita, di na tayo nagpupumiglas. But for us to make it a habit, we should start with actions, which are sometimes painful and inconvenient. Kung gaano ka-inconvenient, kung gaano ka-painful mag-umpisang manigarilyo o suminghot ng rugby, o humitit ng alkitran, o ng kung anuman ang uso ngayon na hinihitit ng addicts, ay mahirap sa umpisa. Pero mamaya ay gumaganda na ang nafi-feel nila.

Ganun din ang godliness. Sa umpisa ay mahirap. Mahirap makipagkasundo kung ayaw mong makipagkasundo. Mahirap ngumiti sa taong ayaw mong ngitian. Mahirap magsabi ng totoo kung mapapahamak ka. Pero gawin natin and later on it will become a habit. At pag habit na, that’s only when we become really godly.

Lahat ng ginagawa natin ay nag-uumpisa sa isip. Sa isip pa lang ay magkaroon na tayo ng disiplina. Pag mali na ang iniisip, “no” agad. Naiisipan nating gawin ang masama, “no” agad. Sapagkat pag inentertain natin yan, yung thought ay magiging action. At yung action, pag paulit-ulit ay nagiging habit. Pag habit na, yun ka na.