TANGGAPIN ANG DAPAT TANGGAPIN

Ecclesiastes 5:19
Moreover, when God gives any man wealth and possessions, and enables him to enjoy them, to accept his lot and be happy in his work—this is a gift of God.

Bakit kapag tayo ay nakakatanggap ng magagandang bagay, hindi naman tayo nagrereklamo? Bakit kapag may nagregalo sa ating maganda na hindi natin inaasahan, hindi natin sinasabing, “Lord, napaka-unfair naman ninyo. Bakit ako nakatanggap ng gift? Dapat hindi.” Pag naglalakad tayo’y may napulot na P1,000, sinasabi ba nating, “Lord, hindi ko dapat napulot ito. Bakit ako pa, bakit hindi na lang iba?”

Bakit hindi tayo nagrereklamo when things that we like to happen happen? Pero pag ayaw naman natin ang nangyayari, nagrereklamo tayo. Dapat pareho lang, di ba? When we receive good things, we don’t complain. When we receive things that don’t look good, we also shouldn’t complain.

Sinisiyasat natin kung karapat-dapat bang mangyari sa atin. Kung karapat-dapat e di salamat. Makatwiran ang Dios. Kung hindi naman karapat-dapat, naniniwala pa rin tayong makatwiran ang Dios at ang mga nangyayari ay mabuti pa rin kahit na ayaw tanggapin ng ating limited na pananaw.

At kung nabaligtad na natin ang ating isipan at ang lahat ng mga verses at hindi pa rin natin maunawaan, manahimik na lang tayo. Pasanin ang dapat pasanin, lakarin ang dapat lakarin, languyin ang dapat languyin dahil alam ng Dios ang ating katayuan. Hindi nya tayo kalilimutan at pababayaan. Malalaman rin natin yan pagdating sa dulo.