PILIIN ANG KASAMA

Proverbs 22:24

Don’t make friends with anyone who has a bad temper.

Kapag ang kasama natin ay mga taong magugulo, palasangkot sa mga chismis at intriga, maiinitin ang ulo, palababag at palaaway, tayo ay madadamay, mahahawa at mada-damage. Do not associate with them. Do not even associate with people who bring you down and make you feel small. Yung mga taong pinapakitid ang ating utak at lagi tayong pinapagalit. Nagagalit ka sa isang tao kahit hindi mo pa naririnig ang side nya dahil lang kinausap natin ang isang taong galit sa kanya. Iniingatan natin ang sobrang pakikipagmabutihan sa mga tao na bad ang influence.

Iwasan ang mga taong wala nang alam pag-usapan kundi ang tumataas na presyo ng bilihin, ang mag-contest kung sino ang mas malala ang karamdaman, ang makipagpaligsahan kung sino ang mas malungkot, mas kawawa at mas martir.

“Ang asawa ko, hindi umuwi ng isang araw.”

“Daig kita, yung asawa ko limang araw.”

“Aba, ang asawa ko isang taon.”

Palakpakan dahil siya ang nanalo.

Pahalagahan natin ang mga tao who make us feel good about life and inspire us to actually do something good. Pahalagahan ang mga taong hindi lang nakakapagpatawa sa atin kundi nakakapagpakita rin kung papaano papasayahin ang buhay sa pamamagitan ng pagsisikap at karunungan. Pahalagahan natin yung mga taong itinuturo ang ating mga kapintasan at kakulangan sa paraang hindi tayo nilalait.

Dapat na pinipili ang kasama, ang pagbubuhusan ng oras, ang ka-text at ka-chat. There is so much to learn this side of eternity so we choose people who bring out the best in us.