PARENTAL LOVE

Proverbs 6:20-21

Obey the teaching of your parents—always keep it in mind and never forget it.

Kahit sabihin nating mas mataas at malawak ang antas ng technical or academic education ng mga kabataan ngayon kaysa sa kanilang mga magulang, iba pa rin talaga ang parental teaching. Bakit? For one, parental love is probably the purest love and therefore parental teaching is probably the purest in intentions. May mga nagtuturo sa atin para lang tayo i-manipulate. May mga nagte-train sa atin para maging spare part ng machinery ng kanilang kumpanya. May nagsasanay sa atin sa napakaraming bagay para lang pakinabangan ang ating husay. Pero ang itinuturo ng magulang ay para talaga sa ikabubuti ng anak.

Kaya nakakalungkot na minsan, kung kailan marami nang pagkakamali sa buhay at nagka-edad na, saka pa lang maiisip na “Tama pala sina Tatay at Nanay.” Dapat bago pa tayo dumating sa ganung realization, made wiser by the pains we have to go through, tandaan ang mga turo ng ating magulang. Kung gagawa tayo ng mga desisyon, lagi nating isipin, “Ano kaya ang sasabihin ng tatay ko kung malaman nya itong gagawin ko? Ano’ng payo kaya ang ibibigay ng nanay?” Magkamali man minsan ang payo ang magulang, there is definitely no mistake in their intentions. It is always for our upliftment, betterment and well-being. If only for that, we should honor parental advice and not forsake it. Ibig sabihin, alam na natin ang mga turo. Huwag na lang kalimutan. Yung perspective na ibinibigay ng pagdaan ng panahon when filtered through remembrance will make us realize that our parents’ teachings will always be good for us.