PAANO MAGKAPERA

Proverbs 14:23

All hard work brings a profit, but mere talk leads only to poverty.

Ang pagtatrabaho ay isa sa mga pamamaraang ibinigay ng Dios para tayo magkapera. Kalugud-lugod sa Panginoon ang pagsusumikap at pagtatrabaho ng kanyang mga anak. Sabi ni Paul sa mga taga-Tesalonica, “Ang ayaw magtrabaho huwag kumain. Nabalitaan namin na merong wala nang ginawa kundi magsalita lang, makialam, magpunta sa bahay-bahay, magtsismis, mambola, pero hindi nagtatrabaho. Inuuto nyo ang mga may pera para kayo mabigyan.”

May common mistake ang ilang mga Christians na palibhasa’t nasa pamilya na ng Dios, akala nila may obligasyong ibigay ng kapatiran ang lahat ng pangangailangan nila. “Kapatid, if you love me, kailangang buksan mo ang refrigerator mo sa akin.” Nagtutulungan tayo pero hindi natin gagawing obligasyon ng ating kapwa na tulungan tayo gayong wala tayong ginagawa.

Exempted dito ang mga housewife na nasa bahay at walang employment dahil marami silang gawain. Aba, kung susuwelduhan ng mga mister ang kanilang mga misis, baka kulangin pa ang suweldo nila. May tagapag-alaga na ng mga anak, katulong, yaya, janitor, cook, driver, may inspirasyon ka pa! Nagtatrabaho sila kahit hindi employed.

Yung tinutukoy natin ay yung mga taong walang ginawa kundi tumiwangwang at tumunganga at pagkatapos ay umaasa na pakakainin sila ng kanilang kapwa. Kung baldado na tayo, the church is here to help. Pero hindi natin tino-tolerate ang katamaran.