NO MORE DEATH

John 11:25-26

Jesus said to her, “I am the resurrection and the life. He who believes in me will live even though he dies; and whoever lives and believes in me will never die. Do you believe this?”

Maraming takot mamatay. Kung natatakot tayong mamatay, hindi na tayo mawawalan ng takot dahil alam naman natin na lahat nakadestinong mamatay. Kung natatakot tayo sa kamatayan ay madadaya tayo buong buhay. Wala na tayong gagawin kundi matakot because any day, any moment puedeng dumating yun.

Ang sabi sa Biblia, “Hindi ka mamamatay.” Puede pala yun. Hindi dapat matakot sa kamatayan sapagkat katawan lamang ang maiiwan at ang espiritu ay patuloy na nabubuhay. Sa katunayan para sa sinumang nasa Panginoon, ang katawan natin ay isa lamang piitan o kulungan. Kung ang katawan na ito ay bibigay na, makakawala ang ating espiritu at babalik na tayo sa Dios. Kaya kalimutan natin ang takot na mamatay. Script lang yan sa walang Tagapagligtas, o walang Dios because the Lord says, “You need not fear death.”

Nung pinagsabihan ng Panginoon sina Adan at Eva na huwag kainin ang bawal na bunga at mamamatay sila, namatay ba sila nung kinain nila? Di ba’t humaba pa nga ang buhay? Nanganak pa si Eva at eto pa nga tayo. Pero may namatay—ang espiritu! Katawan lang nila ang buhay. Kaya ang mga taong nasa kasalanan at wala sa Panginoon, buhay lang ang katawan subalit patay ang espiritu.

Kaya noong hindi pa natin tinatanggap si Kristo, patay tayo. Pero nung tinanggap na natin, nabuhay ang ating espiritu. Ngayon pa tayo matatakot sa kamatayan na ang puede na lang mamatay ay ang katawan?