MAS DAPAT MANALAMIN

Luke 6:39
…Can one blind person lead another blind person? Won’t they both fall into a ditch?

Paano nga naman aakayin ng bulag ang kapwa bulag? Pareho lang silang mahuhulog sa hindi nila dapat kahulugan. So, how can you attempt to clean your brother’s eye when your own eye is full of dirt? You can harm both your patient and yourself. Ang tawag ng Panginoon sa mga ganoong tao, “Mapagbalatkayo ka, hindi ka totoo, fake ka. Naglilinis-linisan ka’y ang dumi-dumi mo.”

Ang isa sa pinakapinagmumulan ng napakaraming ipokrito ay religious people. Ang mga pinakamasasakit na salitang binitawan ng Panginoon noong nandito siya sa lupa ay para sa mga religious leaders, hindi para sa mga prostitutes, tax collectors and sinners; not because the Lord tolerates them in their sin, but because those people had no hypocrisies. Sabihin mo sa isang prostitute, “Alam mo, makasalanan ka.” “Alam ko, kahapon pa.” Mangangatuwiran pa ba yun? Wala na silang pagkukunwari kaya tuloy naibubukas ang puso’t madaling matuto. Kasi yung mga makasalanan ang tumatanggap na kailangan nila si Hesus. But the religious leaders have always pretended that they were full and never needed anything else. Maaari din tayong maging tulad nila. Mas madali tayong mabulag kasi bilib na bilib na tayo sa ating sarili.

Kaya dapat lalo tayong nagpapatuwid. Mas relihiyoso tayo, mas mayroon tayong posisyon o gift, mas lalo dapat tayong nananalamin para sinusuri ang sarili. Huwag ninyong sasabihin, “Ay, para sa asawa ko ito.” Sinisiko-siko mo pa, “Kita mo na, kita mo na! Ikaw yan.” Sa atin lahat yan. Huwag ninyong i-assign sa iba. Let us correct ourselves, and seek and listen to godly counsel.