MAGPA-CONSUELO KA NAMAN

Acts 20:35

…Remember that our Lord Jesus said, “More blessings come from giving than from receiving.”

Maraming taong nagmamagandang-loob sa atin, nagbibigay ng panahon at ng oras para makinig sa mga hinaing natin sa buhay, at nagagawa nating abalahin nang walang bayad. Kaya lang, huwag naman nating tigasan ang mukha natin. Hindi naman komo laging free at available ay aabusuhin na. Kailangan palabigay ang tao, hindi palahingi, hindi pala-kuha, hindi palakabig, hindi gusto laging libre lahat.

Inubos nyo yung oras ng isang tagapayo at idinagan nyo sa kanya ang mga problema nyo, ‘tapos kahit isang chiclet man lang, di nyo naabutan? Magbigay naman tayo kahit isang suha. Magpa-consuelo man lang kahit walang hinihingi sa inyo. Kung manonood kayo ng sine, horror pa para matakot, magbabayad kayo, pero yung ipinanalangin kayo at pinayuhan na walang napala sa inyo, kasamaan na ng ugali yan.

Parang sa mga family reunions na ginaganap taun-taon na tuwing darating kayo, wala kayong dala kundi empty stomach. Yung host na lang lagi ang naghahanda at pagkaalis nyo, siya pa ang pagod maglinis. Madadalâ yun at magiging maramot dahil di kayo marunong magsukli. Tandaan nyo, pagka may nagdamot sa inyo, napagod na siguro yun sa kabibigay na wala man lang nahita.

God wants abundance everywhere and it will only be possible if everybody gives to everybody whatever they can afford to give. But if everyone withholds and just asks for free, there will be poverty. Why? Yung mangilan-ngilan at konting nagbibigay, mauubusan din yun o kaya ay madadalâ at di na rin magbibigay. Magkakaroon ng climate of selfishness instead of generosity.