LAGI KANG LOVE

Romans 8:38-39

I am sure that nothing can separate us from God’s love—not life or death, not angels or spirits, not the present or the future, and not powers above or powers below. Nothing in all creation can separate us from God’s love for us in Christ Jesus our Lord!

Walang anumang kapangyarihan–liwanag o dilim, taas o baba, lapad o kitid–ang puedeng maghiwalay sa atin sa Dios sa pamamagitan ni Hesus. Pagka nagkakamali tayo o pakiramdam natin galit sa atin ang Dios–siempre hindi natutuwa ang Dios kung nagkakamali tayo–alalahanin natin itong Romans 8. Mahal pa rin tayo ng Dios.

Kahit hindi natutuwa ang magulang na napapahamak o may ginagawang hindi maganda ang anak, mahal pa rin nila. Kaya parang mali pagka conditional na yung love ng magulang. “Hindi na kita mahal kasi pitong taon ka na sa high school.” Kahit ba labinlimang taon, mahal mo pa rin yan dahil anak mo. Sa iyo naka-assign yan para ikaw ang magmahal. Sino ang gusto mong magmahal sa kanya, ang principal? Hindi ito pangungunsinti pero dapat walang patakarang pagmamahal yung pamilya.

At kahit pa nga ang love ng human parents ang pinakamalapit na sa godly love, nagkukulang pa rin kung minsan. Pero ang Dios hindi. Kahit gaano ka ka-bigo, gaano pa kasama ang nagawa mo, gaano karumi ang nahulugan mong kanal, mahal ka pa rin ng Dios. Nothing can separate you from the love of God.

And that same love is the love that we should give to one another. Hindi tayo judges ng isa’t-isa, we are extensions of God’s love. Kailangan maging mas maibigin tayo sa ating kapwa.