IMAGE LANG YAN

Proverbs 11:3 (NIV)

The integrity of the upright guides them, but the unfaithful are destroyed by their duplicity.

May mga magulang na bigla na lang nabuntis ang kanilang anak na dalaga at di naman karapat-dapat pakasalan ang ama. Pero, just to save face, pipilitin ang anak nilang magpakasal and consign her to a lifetime of hell. Kalaunan ay maghihiwalay din naman, isusuong pa ang anak sa buhay na magulo. Hindi ba mas mainam na harapin na lang ang katotohanan? Kung nagkamali man ang anak, tanggapin ang pagkakamali at harapin ang pananagutan sa lipunan. Dahil lang ba sa sasabihin ng mga kapitbahay, mas lalo pang ipapahamak ang anak?

Hindi naman maitutuwid ng isa pang pagkakamali ang nauna nang pagkakamali. Huwag din gagawa ng mga lifetime commitments only because of what people would say. Pag-usapan man kayo ng barangay ngayon, next week may iba na namang magbubuntis at mawawala na yung focus sa inyo dahil iba na naman ang topic ng mga chismosa. Sandali lang ang mga eskandalo kaya hindi dapat masyadong iniinda. Kung may pagdududa at agam-agam sa pagpapakasal, kahit na na-print na ang mga invitations, huwag ituloy. Kung three months later at maghihiwalay din, malalaman din yan ng mga imbitado.

Yun kasing sobrang maraming pretense at maraming image na mine-maintain, at the end of the day, sila ang nawawalan ng dignity kasi kung anu-anong kasinungalingan at maskara ang kailangang isuot para lang maitago ang katotohanan. Mahalaga ang buhay ng tao. Hindi ito puedeng iprenda at itali dahil lang baka tayo mapahiya. Dapat nagpapakatotoo tayo.