HUWAG MANLAMANG

Proverbs 22:22

Don’t take advantage of the poor or cheat them in court. The LORD is their defender, and what you do to them, he will do to you.

May mga supervisors sa mga construction projects na kumukuha ng mga kapwa mahihirap na manggagawa, pero sasabihin nila, “Ikaw, kukunin kita, kaya lang sa sweldo mong P300 a day, P250 lang ang ibibigay ko ha? P50 ang sa akin.” May cut siya sa lahat ng mga taong kinukuha nya. Mga maliliit na tao na ay dinadaya pa. Kaya bang dayain ang Dios? Ang gumagawa ng mga ganitong bagay ay huwag umasang uunlad. Maaaring pansamantala silang umasenso at lumuwag sa buhay pero hindi rin yun magtatagal. O kaya, nagkakaroon nga sila ng maraming pera pero nagkakaroon naman ng mga malubhang sakit, nagkakagulo naman ang kanilang buhay at nagkakawatak-watak ang pamilya. Malaki ang bayad kung tayo ay gumagawa ng masama sa maliliit na tao. Magsasanla ka ng gangga-bihon mong kwintas, ‘tapos papalitan pa ng ahensiya ng kung ano’ng bakal na tinubog sa kung ano. Kakapiraso mong alahas, pinag-interesan pa. Mga kapwa mahihirap ang dinudukutan, inaagawan, at ninanakawan. Pagka ang nakuha pa sa iyong kwintas ay fake, aabangan ka pa kinabukasan at ipalululon pa sa iyo. Palulusutin ba ito ng Panginoon?

    Remember what God said? “Whatever you do to the least of these, you do to me.” Kung mayroon tayong nilalamangan na maliliit na tao, ang nilalamangan natin ay ang Dios. Pero sa totoo lang, malalamangan nga ba natin ang Dios? Alam nya yun. Naghihintay lang siya ng panahon ng kanyang paghuhukom at paniningil.