GOOD FOR BAD

Psalm 35:12-15

They repay evil for good, and I feel all alone. When they were sick, I wore sackcloth and went without food. I truly prayed for them, as I would for a friend or a relative. I was in sorrow and mourned, as I would for my mother. I have stumbled, and worthless liars I don’t even know surround me and sneer.

Isang malaking kasalanan ang pagsukli ng masama sa ginagawang mabuti sa atin ng ating kapwa. Ang sama ng loob ng umaawit ng Psalm 35 ay nangyayari pa rin hanggang ngayon. Minsan ang isang sikat na religious leader ay madarapa sa kanyang kahinaan at magkakamali, naku, lilimutin na ng mga tao yung mga mabuting nagawa sa kanila ng leader na yun. “Naku, blessed na blessed po ako sa inyo. Talagang nafi-feed po ako at naggo-grow, pero huwag na huwag kayong magkakamali dahil ako ang unang-unang tatapak sa inyo. Tatadyakan ko kayo. Duduraan ko kayo.” Ganyan ang maraming tao.

Hindi natin sinasabing kunsintihin ang mga matitigas ang ulo na ayaw magsisi sa mga pagkakamali, pero kung mayroon namang naitulong sa atin at maraming nagawang kabutihan, huwag naman nating lilimutin yun dahil lamang sa isang pagkakadapa. “Naku, ang ganda-ganda mo namang kumanta, sister. Talagang parang gumagaling ang mga sugat ko at lumalakas ang loob ko pag kumakanta ka.” ‘Tapos kapag nagkamali ay pagchi-chismisan nang kuta-kutakot. Nalimutan agad na minsan naging blessing si sister sa kanila. You are only as good as your last performance.

Huwag nating lilimutin ang mga mabuting nagawa sa atin ng tao. At huwag nating bayaran ng masama ang mga kabutihang ito, lalo na sa panahon ng kanyang kahinaan.