FEELING API?

Romans 12:19
Do not take revenge, my friends, but leave room for God’s wrath, for it is written: “It is mine to avenge; I will repay,” says the Lord.

Ang dami nating reklamo sa buhay. Api ako. Kawawa ako. Pinaglaba ako nang pinaglaba. Pinagsibak ako ng kahoy. Pinag-igib ako, at kung anu-ano pang mga reklamo. Kaya sabi ng iba, “Maghihiganti ako. Kailangan makaganti-ganti ako.” Anong sagot dyan ng Panginoon? “Vengeance is mine.”

Kung api kang totoo, may Dios. Siya ang magbibigay ng balance dyan. Pero kadalasan naman ay hindi ka totoong api. Drama mo lang pala yon.

Dapat magpasalamat nga yung mga naapi, kasi ang Dios ang magsusukli. E kung kayo yung nang-api? Aba, mag-ingat-ingat kayo, Dios ang maniningil. Kaya yung mga naapi, dapat mas mabuti pa ang feeling nyo. “Buti na lang ako ang naapi hindi ako yung nang-api. Buti ako yung naagrabyado hindi ako yung nang-agrabyado. Buti ako yung kinawawa hindi ako yung nangkawawa. Kasi may naghihintay pa sa aking gantimpala at pambalanse ang Dios. Pupunan pa nya yung kulang ng iba sa akin.”

Pero kung kayo yung nang-api at nangkawawa, e di kayo ang sisingilin. Kaya hindi pinagsisisihan yang naging mabuti, mapagbigay at mapagparaya tayo, kasi may Dios. Kung walang Dios, maghiganti tayo. Huwag tayong magpaapi, tayo pa yung mang-api. Huwag tayong magbigay, mang-agaw tayo. Kung walang Dios! Pero merong Dios, di ba? So we never fail to do what is right.

Ang pinakamabuti ay huwag paapi at huwag ding mang-api! Pero bihira lang ang nasa ganong balanced state. So, kung mapipilitan din lang na pumili sa dalawa, it is better to bear with kaapihan than be the mang-aapi.