FAVORITISM

1 Timothy 5:21

I charge you…to keep these instructions without partiality, and to do nothing out of favoritism.

Favoritism happens everywhere. Nangyayari ito sa pamilya. Paborito ka ng tatay o ng nanay, at kawawa naman yung kapatid mo na hindi paborito. Nangyayari rin yan sa mga kumpanya. Yung mga paborito, lalo na mga kamag-anak, napo-promote at ang mga kamalian ay napagtatakpan. Ang lagi na lang nakikita ay ang pagkakamali ng iba. Nangyayari rin ito sa iba pang institusyon at nagiging sanhi pa nga ng pang-aabuso.

Leaders and people vested with authority are everybody’s leader, nurturer and protector. Kung tayo ay binigyan ng Dios ng kapangyarihan para mamahala sa isa o sa isang milyong tao, tungkulin nating sila ay tulungan, turuan, akayin, bigyan ng mga pagkakataon, palaguin, bigyan ng lakas ng loob at arugain. Hindi tayo namimili lang ng iilang aarugain at papabayaan na natin yung iba.

Kaya mahirap sa mga lider yung sobrang maraming kaibigan at mga kapalagayang-loob sapagkat ang mga ito ang maaaring maging daan para masira ang linis ng iyong kalooban. Sila minsan ang nang-uudyok para gamitin mo ang kapangyarihan upang sila ay protektahan, bigyan ng benepisyo, at kampihan laban sa kanilang mga kaaway.

Pananagutan ng mga taong inatasan ng Dios na manungkulan ang maging patas – maging sila ay padre de familia, mga corporate managers, church leaders, o government officials. Kaya nga marami ang nagsasabing leadership is a lonely road. And one form of loneliness is trying to detach from everybody so you can be objective.