BEST SAVINGS

2 Corinthians 8:7

You do everything better than anyone else…You are eager to give, and you love us better. Now you must give more generously than anyone else.

Be a giver more than a taker; a benefactor more than a beneficiary. Kung nagbibigay tayo, resist magbunganga, “O kayo, bigay ako nang bigay, yak-yak-yak-yak-yak.” Sa ibang panahon ka na magsalita kasi kadalasan ang natatandaan hindi yung bigay mo kundi yung sumbat mo. Sama ng loob ang kinikimkim ng binigyan mo imbes na pagtanaw ng utang na loob. Want to teach them a lesson? At another time. Kasi baka i-equate nilang requirement ng iyong pagbibigay ang magsermon muna. Negative pa rin ang score mo at the end of the day.  

Yung iba naman magsasabi, “Huwag kang bigay nang bigay. Kailangan marami kang savings o investments.” Pero, napag-iisip ba natin na yung pagbibigay natin sa kapwa could be our best savings? Hindi naman komo nagbayad ka ng insurance, insured ka na pagtanda mo dahil ang daming insurance companies na tumatakbo, di ba?

Maaaring marami kang binibigyan na wala ring utang na loob. Pero malay mo, sa sampu mong tinulungan may isa man lang makaalala sa iyo sa oras ng iyong pangangailangan. Hindi ba magandang savings o investment din yun? At kung wala talagang makaalala, ang Panginoon naman ang makakaalala sa iyo. So mag-save ka nang konti, mag-invest ka nang konti, mamigay ka rin nang konti. Be a solution more than a problem, and you will never run out of affection coming your way.