SUKATAN

Matthew 19:21

Jesus answered, “If you want to be perfect, go, sell your possessions and give to the poor, and you will have treasure in heaven. Then come, follow me.”                       

Hindi ibig sabihin nito, lahat ng may kabuhayan hinihingi ng Panginoon na ibenta nyo ang kabuhayan nyo at ipamigay para kayo maging banal. Nagsabi kasi itong taong ito, “Lord, gusto ko pong sumunod sa inyo.” E alam ng Lord na ang dios ng taong ito ay yung pera nya. Kaya sinabi nya, “Magpalit ka muna ng dios. Ibenta mo lahat yang kayamanan mo at ipamigay sa mahihirap saka ka sumunod.” Hindi siya sumunod. Kasi totoo lang yung sinabi ng Lord na pera ang dios nya. Pero kung ang Dios nyo naman ay ang Dios, kahit may pera pa kayo, hindi naman ipinapatapon sa inyo.

Ang standard kasi ng mundo ang mga mayayaman ay yung maraming kinamkam at sinarili. Hindi! Sinukat ng Panginoon ang kayamanan dito, hindi sa inimpok at itinago kundi sa ipinamigay.

Sasabihin nyo, “Teka, wala akong masyadong kayamanan to give away.”

Pero hindi lang naman yun ang puede nating ibigay e. We can give any of our three Ts—our time, talent, treasure, or all of these. Nagbibigay ka ng oras mo sayong kapwa, nakikinig ka sa kanyang mga suliranin, ipinapanalangin mo siya. Merong taong hindi makakain, ipinagluto mo. May malungkot, pinasaya mo. Maraming puedeng ibigay.

Lahat tayo tig-24 hours. Lahat tayo may talent, may kakayahan na ibinigay ng Panginoon. At lahat din naman tayo may treasure, iba-iba lang nga yung amount. It’s how much you make of it that determines the value of your wealth.