SALAMAT PA RIN

Psalm 50:6
The heavens announce, “God is the judge, and he is always honest.”

We can thank God for the unpleasant things that happen to us especially when we deserve them. Dapat lang. Salamat sapagkat ang Dios ay makatarungan. Kasi kung dapat na pala tayong paluin, pigilin at awatin, pero hindi nangyari, e di kunsintidor pala ang Dios. Hindi pala siya makatarungan. Samakatuwid, hindi siya puedeng pagkatiwalaan. So, kung may mga mali tayong ginawa at nagdusa tayo, salamat sa Dios. Kasi kung nakalusot tayo, ibig sabihin ay nalulusutan pala ang Dios. E, kung nalulusutan siya, ang ibig sabihin ay marami na ring bagay na puedeng nalilimutan nya at nakakalampas sa kanyang pansin. E di hindi na rin siya puedeng asahan? Kaya kung tayo ay napalo dahil dapat, sabihin natin, “Praise the Lord.” Nagkamali ka at nagkaroon ng consequence, salamat pa rin dahil ang katarungan ng Dios ay umaandar.

We must also be thankful for the unpleasant things that happen to us because we need them. Kailangan din nating mabigo kasi pag hindi, yumayabang tayo. Kailangan din nating masaktan kasi kung hindi, nagiging manhid tayo sa mga karamdaman at dinaramdam ng iba. Kailangan nating makaranas ng hirap para maranasan natin ang hapdi ng magutom at mawalan. Kailangan nating magdahop para magkaroon ng puwang sa puso natin ang mga kapuspalad at higit silang maunawaan. Kailangan nating maging aba at dumanas ng kabiguan para magkaroon tayo ng compassion for those who fail. Everything that happens is a blessing to those who love God and are called according to His purpose.