ZIP THAT MOUTH

Proverbs 10:19

You will say the wrong thing if you talk too much—so be sensible and watch what you say.

Maraming kasalanan yung madadaldal. Bakit? Pagka sa kanyang addiction na dumaldal at wala nang maikwentong totoo, iimbento na yan. Kung yung kanyang kwento ay hindi kamangha-mangha, dadagdagan nya yan para gumanda at nang lalo naman siyang hangaan ng mga nakikinig. Kung hindi naman talaga buktot ang kanyang puso pero mababa ang I.Q. at hindi nya laging totally naiintindihan yung issue, gagawa siya ng sariling interpretation na siya nyang ikukuwento sa iba.

Kapag mali ang kwento, hindi yun totoo. At kung hindi yun totoo, hindi yun galing sa Dios. Kaya pumapasok ang kasalanan. Marami namang tao ang hindi sinasadya na maging dahilan ng gulo e. Kaya lang hindi naaabot ng katalinuhan nila na puede silang maging sanhi, sangkot at mitsa ng gulo dahil sa kanilang mga dila. At kapag nakasakit na yung iba, sasabihin pa, “Hindi ko naman siya gustong saktan.” Oo nga, pero nasaktan na e.

Kaya dapat nagre-review tayo. Kung may bulsa ang mga pantalon at mga blusa, lalong dapat may zipper ang bibig because many words lead to sin. Sin is getting out of limits. Kapag lumampas na sa itinakdang boundary ang isang bagay, sin yun. Dapat alam natin kung hanggang saan tayo puedeng magsalita, saan ang tamang lugar na magsalita, ano ang tamang oras ng pagsasalita, ano ang tamang okasyon na magsasalita, sino ang dapat nandyan para puedeng magsalita at para hindi puedeng magsalita.It is very important that we should be conscious of our verbal boundaries.