POWER TRIP

Luke 9:53-56

… so the people there refused to welcome him [Jesus]. When the disciples James and John saw what was happening, they asked, “Lord, do you want us to call down fire from heaven to destroy these people?”

Lahat tayo may power. Iba-iba lang yung laki. Maaaring kapangyarihan mo ay ang iyong posisyon. Manager ka o presidente ng kumpanya. May power ka over everybody. Pag pastor ka, may power ka over your members. Magulang ka, may power ka over your children. Ate ka, kuya ka, may power ka sa iyong mga kapatid. So go easy on the powers. Relax ka lang. Huwag ka laging nagkakandarapa na gamitin yan to prove yourself.

Minsan, tinanggihan ng isang barangay ang Panginoon at kanyang grupo. Ang sabi kaagad ng dalawang alagad, “Magpapaulan po ba kami ng apoy para matupok ang bayang ito?” They wanted to burn the town Old Testament-style because they were rejected there. Jesus sharply rebuked his disciples, then simply moved on to a friendlier town. Bata pa kasi ang mga alagad sa pananalig at sa paghawak ng ganung uri ng kapangyarihan.

Even God’s workers could be abusive. Nakabili ang isang church ng secondhand van para gamitin ng pastor sa visitation at ibang gawain. Sumakay minsan yung bagong pastor kasama ang ilang miembro. Umulan nang napakalakas kaya bumaha sa kalye. Sabi ng driver, “Hindi po tayo puedeng tumuloy kasi malalim ang baha.” Inutos ng pastor, “Ako ang masusunod! Lumusong ka!” Sumunod ang pobreng driver. Pinasok ng tubig ang tambutso at nasira ang sasakyan. Huwag umabuso. Baka magamit mo yang kapangyarihan sa ikapapahamak ng iba.