INGAT SA PAGSUNUD-SUNOD

John 10:27

“My sheep know my voice, and I know them. They follow me…”

May sipol ang isang shepherd bilang signal sa kanyang tupa. Kapag narinig yung sipol nya at makikita yung anino nya, susunod ang lahat ng tupa sa kanya. Kaya dapat alam ng tupa yung boses ng kanyang pastol. Yun yung sinasabi ng Panginoon na “Mag-ingat kayo. Hindi lahat pastol. Some come to steal, to kill and to destroy.” Kasi mayroong mga fake na shepherd. Fine-fake nila yung sipol, huni o tawag nung shepherd. At kapag yung mga tupang iba ay nalinlang nya, nagsunuran sa kanya, huli sila at ibebenta sila para katayin.

Maa-appreciate nating lahat ang mga talinhaga ng Panginoon tungkol sa tupa at sa shepherd kasi ganundin tayo. Pag hindi natin talaga kilala ang tinig ng Panginoon, nadadaya tayo ni Satanas, ng ating emosyon, ng ating mga desires, ng ating greed, ng ating lust; and before we know it, we followed a wrong shepherd. Napupunta tayo sa matadero kung saan tayo kinakatay, sinasaktan, pinapahirapan. Kaya napakahalagang unawain para ma-appreciate natin kung paano naihahalintulad ang Panginoon sa shepherd–yung Lord na gumagawa ng paraan para tayo pakainin at painumin, ipagtatanggol tayo, hindi tayo dadayain, mamahalin tayo, at ibibigay ang buhay para tayo ay maligtas sa kapahamakan.

Kung minsan mali yung sinusundan natin. Kung kani-kanino tayo nakikinig at nagpapa-impluwensya. Insecurity and fear tuloy ang inaabot natin. Make God your shepherd. He will not automatically be your shepherd. Invite him to rule your heart and ask him to be your shepherd.