AVOID “UN-GOOD” COMPANY

Psalm 1:1

God blesses those people who refuse evil advice and won’t follow sinners or join in sneering at God.

Sa mga kabataan o sa mga nagbabata-bataan: Huwag kayong sasali sa mga tropa-tropa na walang iniisip kundi mga kabalbalan. Yung walang magawa, mambubugbog at mang-iinis. Maraming ganyan kaya may napapatay. Dadaan ka sa naglalasingan, iinisin ka ng mga lasing at mapapaaway ka.

Kahit wala kang maraming pera, mayroon ka pang karamdaman o ibang problema, yung hindi ka lang sumasama sa mga masasamang barkada, isang blessing na yun. Lalo kang mapapahamak at mapapalala ang kalagayan kung nakiki-sama sa ganitong mga tao.

Kung minsan dapat ding pagsabihan yung tatay. Maraming tatay, may asawa’t anak na, barkadero pa! Akala mo binata pa. Laging kasama ang barkada at umiimbento ng mga kabalbalan sa buhay. Minsan hindi naman talaga gustong manukso, pero nadala ka nung gustong manukso. Napasama, nasangkot, nadamay, kaya na-damage na rin. Sasabihin ng nanay ng nadawit, “Mabait naman ang anak ko. Na-influence lang ng iba.” May nanay din yung ibang iyon na magsasabing, “Mabait naman yung anak ko. Na-influence lang ng iba.”

Stay away from “un-good” company. Hindi na natin sinabing bad kasi hindi naman laging bad. Yun lang “un-good” ang dapat mong iwasan. “Do not be misled: ‘Bad company corrupts good character’” (1 Corinthians 15:33). Kasi kung minsan, may sarili tayong un-goodness. Pag ang kasama mo pa un-good din, lumalala yun. Pero kung may un-good character ka at ang kasama mo ay good, nadadala ka na rin sa good. Kaya dapat pinipili ang kaibigan at kasama.